Ka nisur procedimi i rezultateve, kur Qendra e Numërimit dhe Rezultateve ka marrë kontingjentin e fundit të materialit të ndjeshëm.
Ka nisur lëvizja e shifrave, megjithëse renditja e partive mbetet ajo që ishte. Koha.net do të ju mbajë të informuar për votat e fundit që do t’u regjistrohen partive, derisa vetë QNR-ja ka thënë se këtë pret që ta bëjë para mesnatës.
Kujtojmë se në 12 nga 38 komuna nuk ka përfunduar numërimi i votave të zgjedhjeve të 6 tetorit. Ato janë Deçani, Gjakova, Kamenica, Mitrovica e Jugut, Rahoveci, Podujeva, Prishtina, Prizreni, Skenderaj, Suhareka, Ferizaj dhe Vushtrria.
Aktualisht janë numëruar 98,35 për qind të votave.
Megjithatë ende nuk ka filluar edhe numërimi i votave me kusht dhe i atyre të diasporës.
- Advertisement -
