Partia Demokratike e Kosovës (PDK) kishte arritur të fitonte 90.77 për qind të votave në zgjedhjet parlamentare të vitit 2014 në Komunën e Skenderajt. Në zgjedhjet e 2014, PDK kishte lidhur koalicion edhe me katër parti të tjera të vogla.
Por tre vjet më vonë, në zgjedhjet parlamentare të 11 qershorit të vitit 2017, PDK – në koalicion me dy parti parlamentare si Aleanca për Ardhmërinë e Kosovës (AAK) dhe Nisma për Kosovën dhe me dhjetë parti të tjera të vogla – kishte shënuar rënie në votat e fituara.
Në atë kohë, koalicioni i PDK-së me AAK-në e NISMA-n kishte arritur të fitojë 84.34 për qind të votave në zgjedhjet e 11 qershorit.
Në zgjedhjet e 6 tetorit, kur janë numëruar afër 90% e votave në Skenderaj, PDK- ka fituar 76% të votave, diku rreth 8% më pak se në zgjedhjet e vitit 2017.
Sami Lushtaku nga Partia Demokratike e Kosovës, ka thënë se zgjedhjet parlamentare të 6 tetorit nuk kanë dhënë rezultatet që ai e ka pritur.
Ai ka shtuar se atëherë kur sovrani vendos ndryshe, politikanët duhet plotësisht ta respektojnë vullnetin e tij.
“Dua të falënderoj qytetarët e Drenicës për mbështetjen masive plebishitare për PDK-në edhe në këto zgjedhje. Megjithatë, kjo nuk ka mjaftuar për të fituar zgjedhjet në nivel vendi. Tashmë, duhet të shikojmë nga vetja, për të përmirësuar gabimet tona, për t’u reformuar e konsoliduar, më qëllim që PDK të kthehet edhe më e fuqishme sasa ka qenë në të kaluarën”, ka thënë Lushtaku./DrenicaPress
Rezultati i zgjedhjeve parlamentare të vitit 2014, në Komunën e Skenderajt:
Rezultati i zgjedhjeve parlamentare të 11 qershorit të 2017-s, në Komunën e Skenderajt:
Rezultati i zgjedhjeve parlamentare të 6 qershorit të 2019-s, në Komunën e Skenderajt kur janë numëruar afër 90% të votave:
