Sindikata e Bashkuar e Arsimit, Shkencës dhe Kulturës(SBASHK), me anë të një njoftimi bën të ditur se nesër do të protestojnë para ndërtesës së Kuvendit Komunal të Kamenicës, transmeton Klan Kosova.
Nga SBASHK thonë se pjesë e kësaj proteste do të jetë edhe kryetari i BSPK-së Avni Ajdini me stafin qendror dhe kryetari i SBASHK-ut, Rrahman Jasharaj dhe stafi nga qendra.
Arsyeja e kësaj proteste është kundërshtimi i vendimit të Qendron Kastratit, kryetarit të kësaj komune për mbylljen e gjashtë shkollave.
“SBASHK ka pritur dialog dhe mirëkuptim për zgjidhjen e drejtë të gjendjes tepër të rëndë. Zhvilluam takime me Qëndronin, e ngritem çështjen edhe në MASHT duke kërkuar qëndrimin e tyre si isnitucioni më i lartë i arsimit dhe themelues i insititucioneve aarsimore, vizituam edhe shkollat e dënuara me mbyllje nga Qëndroni, kërkuam nga anëtarësia maturi”.
“Kërkuam nga prindërit angazhim, që çështja të zgjidhet si duhet dhe që me dialog të arrihet marrëveshje që Kastrati ta tërheq vednimin ,bile për këtë vit, dhe çështja në ngritet pas krijimit të inistitucioneve qëndrore pas votës së lirë më 6 tetor dhe le të veprohet njëjtë nën tërë Kosovën, por me një Strategji të peshuar mirë”, thonë nga SBASHK.
