Demokracia në Veprim përmes një konference për media ka publikuar rezultatet preliminare të 85% të votave të numëruara në katër komunat veriore të Kosovës, raporton Gazeta Blic.
Sipas DNV-së Lista Serbe është duke udhëhequr bindshëm ndaj partive shqiptare në këto komuna, respektivisht PDK-së e VV-së.
Në Mitrovicën e Veriut siç thotë DNV Lista Serbe ka 95.2% të votave pasuar nga PDK me 3.1% dhe Vetëvendosje me 1.6 %.
Në Komunën e Zubin Potokut Lista Serbe është duke udhëhequr me 94.1%, PDK me 3.1 % dhe VV me 2.8 %.
Edhe në Leposaviç Lista serbe ka 96.4 % të votave, PDK 2.1% dhe VV 1.5 %.
Ngjashëm ka ndodhur edhe në Zveqan atje ku Lista Serbe është duke udhëhequr me 96.4 % të votave të fituara, Vetëvendosje me 2.2 % dhe PDK e cila ka marrë vetëm 1.4 % të votave.
Kujtojmë se këto nuk janë rezultatet përfundimtare pasi për këtë KQZ do ta japë fjalën e fundit./Gazeta Blic
