Në seancën e jashtëzakonshme të thirrur për të diskutuar për largimet e shumta të qytetarëve në vendi, ka folur edhe deputeti i PDK’së, Bekim Haxhiu, shkruan Gazeta Express.
Deputeti i PDK’së, i njohur edhe si Kamishi, i është përgjigjur disa prej akuzave që opozita ia ka bërë pushtetit në lidhje me ikjen e qytetarëve nga Kosova.
Haxhiu thotë se nuk ka të bëjë me kërcënime ikja e disa personave që i kanë shërbyer shtetit.
Sipas tij, më i rrezikuar dhe më i kërcënuar se prokurori Blakaj, ka qenë Isa Mustafa sa ishte kryeministër.
“Nëse thuhet se prokurori Elez Blakaj iku sepse u ndie i kërcëmuar, atëherë pse nuk iku Isa Mustafa. Mendoj se Isa Mustafa ka qenë edhe më shumë i kërcënuar gjatë detyrës së tij”, ka thënë Haxhiu.
Derisa lideri i VV’së, Albin Kurti, ka thënë në Kuvend se edhe ish-prokurori special, Elez Blekaj, që po hetonte listat e veteranëve ka ikur pasi është ndier i kërcënuar nga kryeministri Ramush Haradinaj. /Express/
