Televezioni shtetëror i Sudanit ka bërë të ditur se ushtria do të bëj një njoftim të rëndësishëm së shpejti, pasi më herët trupat sudaneze u vendosën rreth ndërtesës së medias shtetërore, transmeton Anadolu Agency (AA).
Ndërkohë raportohet se disa ushtarë kanë hyrë në ndërtesën e televizioni shtetëror në qytetin e dytë më të madh të vendit, Omdurman.
Gjatë ditës së djeshme, qindra protestues sudanezë qëndruan të ulur jashtë shtabit të përgjithshëm të ushtrisë në kryeqytetin Khartoum për ditën e pestë me radhë, mes thirrjeve të vazhdueshme për dorëheqjen e presidentit Omar al-Bashir.
Sipas Komitetit Qendror të Mjekëve Sudanez, që nga e shtuna të paktën 22 persona janë vrarë në përplasjet midis demonstruesve dhe forcave të sigurisë të cilat vazhdimisht janë përpjekur të shpërndajnë protestuesit e ulur para shtabit të përgjithshëm të ushtrisë.
Policia, nga ana e saj, tha se vetëm një protestues është vrarë.
Sudani është tronditur nga protestat që nga dhjetori i kaluar, me demonstruesit që kërkojnë largimin e presidentit të vendit, i cili ka udhëhequr Sudanin që nga viti 1989.
