Kryetari i Drenasit, Ramiz Lladrovci, sot ka bërë homazhe pranë varrezave të dëshmorëve në fshatin Abri e Epërme e Drenasit.
Këtë e ka bërë të ditur vet Lladrovci përmes një postimi në rrjetet sociale, ku shkruan:
Sot, Abria dhe Drenica shënon një ditë të veçantë, të dhimbshme e krenare.
Me nderim të thellë, me rastin e 20 vjetorit të rënies, u përkulëm dhe bëmë homazhe, për të shprehur nderim të përjetshëm për sakrificën madhore të dëshmorëve Xhevat Demaku, Imer Shala dhe Bedri Demaku.
Pas nderimit te varrezat e dëshmorëve, vizituam bacën Haxhi, për të ritheksuar se liria jonë, është ndërtuar mbi dhimbjen, mbi gjakun dhe sakrificën e çdo familje të atdheut, të cilat nuk kursyen asgjë për lirinë dhe çlirimin e vendit tonë.
Lavdi dëshmorëve të kombit!
Lavdi Ushtrisë Çlirimtare të Kosovës!
