Besjana Musliu nga Skënderaj, gjatë kohës së luftës ishte vetëm dy vjeçe. Atë kohë serbët i djegën shtëpinë, dhe për pasojë asaj iu shkaktua djegie e rëndë në gjithë trupin.
Me të tilla plagë, Besjana nga Skënderaj qëndroi për tre muaj në Shqipëri, duke mos pasur mundësi të trajtohet në vende tjera.
Kështu, televizioni më kredibil në Japoni i ka kushtuar asaj një storie, derisa rrëfen për të kaluarën e rëndë që përjetoi.
Pas përfundimit të luftës, Besjana u nis për në Tokyo, kjo me shpresën se mjekët atje do t’i vinin në ndihmë.
Për 10 vite, ajo iu nënshtrua 15-të operacioneve të ndryshme. Në këtë mënyrë, qeveria japoneze i doli në ndihmë.
Postimi i plotë i Ministrit:
Një ndër TV më kredibile në Japoni ka bërë një lajm për Kosovën, ku ka paraqitur, ndër të tjerash, edhe sfidat që ka kaluar Besiana Musliu.
Besiana ka qenë kolege e imja dhe vjen nga Skenderaj.
Gjatë luftës, shtëpia e saj është djegur, dhe si 2 vjeçare, ka parë tmerrin me sy duke pësuar djegie të rëndë. Me plagë të tilla, Besiana ka qëndruar për 3 muaj në Shqipëri, duke mos pasur mundësi të trajtohet.
Menjëherë pas luftës, nëna e Besianës, me dëshpërim kërkon ndihmë nga ndërkombëtarët për të gjetur trajtim për Besjanen dhe, fatmirësisht, një organizatë Japoneze i del në ndihmë duke e dërguar me urgjencë në Tokyo.
