Shtëpia më e madhe e futbollit në botë, FIFA ka vendosur ndalim transferimesh për tri periudha ndaj tri klubeve turke: Genclerbirligi, Gaziantep FK dhe MKE Ankaragucu.
Dy klubet e para garojnë në Super Ligën turke, ndërsa Ankaragücü është pjesë e Ligës së Dytë, shkruan Indeksonline
Sipas deklaratës zyrtare të FIFA-s, klubet janë përfshirë në listën e ekipeve që kanë ndalim të përkohshëm për regjistrimin e lojtarëve të rinj për shkak të shkeljeve të ndryshme, përfshirë mosmarrëveshjet financiare dhe shkeljet rregullatore.
Si rezultat, secilit klub i është shqiptuar ndalim transferimesh për tri afate kalimtare.
FIFA ka sqaruar se këto masa hiqen vetëm pasi klubet të zgjidhin parregullsitë financiare ose të shlyejnë detyrimet ndaj lojtarëve dhe palëve me të cilat kanë pasur mosmarrëveshje./Indeksonline/
