“Rrugët shkrirëse” i kanë detyruar shoferët në Australi që të braktisin veturat e tyre pasi gomat e rrotave të tyre janë veshur me katran.
Mbi 50 shoferë mund të kenë të drejtën për kompensim nga ky incident, i cili ka ndodhur të martën në Queensland.
Kjo rrugë ka filluar të shkrihet, e si pasojë përbërësit e saj i janë ngjitur gomave të veturave që kanë kaluar në të, të cilat janë dëmtuar e janë bërë të papërdorshme.
“Kurrë skam parë një gjë të tillë, e raportimet për këtë filluar që nga dita e djeshme” ka thënë komandanti i policisë Joe Paronella për ABC.
Për këtë incident është fajësuar ndryshimi i motit e dëmtimi i rrugës e cila u rirregullua një javë më parë.
Shumë veturave u janë dëmtuar gomat e veturave, të cilat me doemos është dashur ti ndërrojnë si dhe mbrojtësit e panelet nga plastika.
Kjo rrugë gjendet në Atherton Tablelands të qytetit të Carnis, e cila tani është e mbyllur.
Departamenti i Queensland për Transport Rrugor ka thënë se kompensimi do tu ofrohet shoferëve të veturave të dëmtuara.
