Një aksident i rëndë ka ndodhur në Magjistralën Kaçanik-Hani i Elezit.
Një veturë e policisë me dy pjesëtarë ka rënë në lumin Iber-Lepenc, rreth orës 21:00.
Të gjitha njësitë relevantë janë në vendin e ngjarjes dhe po bëjnë përpjekje për të gjetur dy pjesëtarët e policisë.
Rastin e ka konfirmuar për Indeksonline, zëdhënësi i Policisë për Rajonin e Ferizajit, Agim Gashi.
“Një veturë e policisë me dy pjesëtar ka rënë në lumin Iber Lepenc. Jemi duke i kërkuar trupat e tyre. Nuk dihet ende asgjë. Të gjitha njësitë përkatëse kanë dalë në vendin e ngjarjes dhe po kontrollojnë dy anët e brigjeve të lumit. Nuk dihen shkaqet, por vetura ka thyer barrierat e urës duke rënë poshtë” ka thënë Gashi.
Rasti ka ndodhur konkretisht tek “Kulla me qeshme”.
Indeksonline është në vendin e ngjarjes dhe do të ju mbajë të informuar për rastin./Indeksonline/
