Vijojnë flakët e zjarrit në fabrikën e riciklimit në Kashar.
Pas rënies së zjarrit masiv që përfshiu fabrikën e riciklimit të mbetjeve në Kashar, ka reaguar edhe ish-kryeministri Sali Berisha.
Sipas Berishës tymi toksik helmues është shumë i rrezikshëm për jetën e qytetarëve ndërkohë që sipas tij bashkia dhe qeveria nuk kanë marrë asnjë masë apo gjendje emergjence civile.
“Re të zeze gjigande tymi toksik helmues dhe kancerogjen mbulojnë Tiranën nga djegia e fabrikës së madhe të plastikës në Kashar! Helmet e djegies së lëndëve plastike dhe solventeve të tyre janë shumë të rrezikshme, toksike dhe kancerogjene! Bashkia dhe qeveria asnjë masë, asnjë evkuim apo gjendje emergjence civile”, shkruan Berisha në rrjete sociale.
Berisha në postimin e tij ai shprehet se qytetarët e Kasharit dhe të Tiranës janë në mëshirë të fatit.
