Dhoma ku kanë qëndruar kohë pas kohe politikanë e figura të ndryshme publike të Kosovës, në Qendrën Klinike Universitare, është menduar t’i ngjajë një apartamenti të zakonshëm
Ka internet, televizor dhe mbi të gjitha privatësi absolute nga të gjithë pacientët e tjerë. Pacienti në këtë dhomë edhe kujdesin shëndetësor e ka si person i rëndësisë së veçantë, derisa trajtohet në dhomën e dedikuar për “VIP”, transmeton Express.
E veçantë është se në shumicën e kohës korridoret që çojnë në to janë të mbushur me policë që shoqërojnë të sëmurët.
Dhoma të tilla ‘VIP’ ose apartamente ka në Klinikën Obstetrike Gjinekologjike, në atë të Otorinolaringologjisë, Kardiologjisë, Neurologjisë, si dhe në Klinikën Infektive të QKUK-së.
