Asambleisti i Kuvendit Komunal të Drenasit nga fshati Terstenik, Sokol Bylykbashi ka reaguar në lidhje me gjendjen e mjere që ka tani Qendra Familjare në fshatin Terstenik të Drenasit, transmeton Drenica Press.
Bylykbashi thotë se: “QMF-së në Tërstenik i mungon ‘dora’ e shtetit që një dekadë. Politikat publike në shtetet normale bëhen tu pas parasysh nevojat e qytetarëve dhe rëndësinë e sektorëve. Kjo praktikë e politikbërjes nuk gjën zbatim në vendin tonë, dhe dëshmia për këtë është gjendja në të cilën ndodhet tash e dhjetë vjet Qendra e Mjekësisë Familjare në fshatin Tërstenik.
Në QMF-në e Tërstenikun përveç që mungojnë disa shërbime, që do të duhej të ofronte një qendër mjekësore e shëndetësisë parësore, aty objekti është joadekuat dhe mjetet e punës janë të vjetra. Për më tepër, edhe hapësirat përcjellëse, siç është depoja e lendëve djegëse nuk është strehë që e mban ujin jashtë.
p.s për vitin e ardhshëm janë paraparë në buxhet komunal 20 mijë euro për zgjerimin e kësaj qendre. Të shohim a po bëhet investimi ( ka raste që investimet nuk bëhen edhe pse janë pjesë e buxhetit) dhe a do të kryhen punët sipas kontratës.
