Përmes faqes zyrtare ka reaguar KF Drenica në lidhje me lajmin e botuar gjatë ditës së djeshme, ku thuhej se komuna e Skenderajt ka siguruar se gjitha borxhet ndaj lojtarëve do të paguhen, transmeton Drenica Press.
Si kundër reagim ndaj këtij lajmi KF Drenica sqaron se”në takimin që është mbajtur në mes të drejtorit për kulturë, rini dhe sport, të komunës së Skenderajt, mbledhje në të cilën ishin të ftuar lojtarët dhe stafi teknik u diskutua për fatin e KF Drenicës.
Në këtë mbledhje janë thënë dhe diskutuar shumë gjëra por, nuk është arritur diqka konkrete. Lojtarët më të drejtë kanë kërkuar që sa më shpejt të vendoset kryesia e re dhe të shlyhen obligimet ndaj tyre.
Sipas drejtorit për sport Ramiz Shala, do të krijohet një kryesi emergjente deri në sezonin e ardhshëm, kryesie e cila do të zgjedhet nga komuna!!!??!
Sipas Ramiz Shales nuk ka kohë të mjaftueshme që të mbahet një kuvend i mirëfilltë i klubit, e në të cilën do të mund të merrnin pjesë edhe shumë investitorë të mundshëm!!
Lojtarët nuk kanë marrë asnjë garanci rreth obligimeve të prapambetura dhe fatit të tyre.
Më një fjalë komuna ka vendosur që ti bëjë të gjitha gjërat vetëm dhe siç din ajo.
Vetëm një gjë mund të ju themi se nuk e keni nisur mbarë dhe se kjo nuk është mënyra si behen gjërat, ishalla ju del për të mbarë por ??”/DRENICA PRESS/
