Policia angleze deklaroi se ka arrestuar një person të dytë në lidhje me sulmin në stacionin e metrosë në Londër.
Policia angleze arrestoi edhe një person tjetër në lidhje me sulmin në stacionin e metrosë Parsons Green në jugperëndim të Londrës ku mbetën të plagosur 30 persona.
I dyshuari i dytë për lidhje me sulmin me bombë që shkaktoi 30 të plagosur u kap mbrëmë në Hounslow në perëndim të Londrës sipas nenit 41 të Ligjit për Terrorizmin në Angli.
I dyshuari, për të cilin bëhet e ditur se është 21-vjeçar, mbahet në paraburgim në rajonin e policisë në jug të Londrës.
Policia angleze më parë kishte arrestuar një 18-vjeçar në lidhje me të njëjtin sulm. /trt/
- Advertisement -
