Drenica ka paraqitur katër futbollist për regjistrim në Federatën e futbollit të Kosovës në afatin kalimtar të janarit.
Çuditërisht, drenicasit kanë paraqitur edhe dy emra të njohur të futbollit kosovar, ani pse asnjëherin nuk e kanë bërë publik.
Bëhet fjalë për mbrojtësin e Gjilanit, Leutrim Bekteshin dhe sulmuesin e dëshmuar në futbollin e Kosovës, Enis Zabërgjën.
Një gjë të tillë e ka pohuar për emisionin ‘ARENA’ në Tribuna Channel, zyrtari i FFK-së për regjistrimin e transferimeve, Adem Qollakaj.
Mësohet se futbollistët në fjalë ende nuk kanë nënshkruar kontratë, por një gjë e tillë mund të ndodhë shumë shpejt, nëse ata marrin fletëshimet nga Gjilani e Trepça.
Ndërkaq, Kreshnik Nebiu dhe Dugagjin Gashi, tashmë janë lojtarë të drenicasve dhe që të dy janë regjistruar në FFK.
