Sipas Këshilli për Mbrojtjen e të Drejtave dhe Lirive të Njeriut, mungesa e një kodi të veshjes në shkolla ka bërë që të shkelën të drejtat e njeriut.
Behxhet Shala, kryetar i KMDLNJ-së, e sheh si të kundërligjshme dhe si shkelje e të drejtave të njeriut moslejimin e bartjes së shamisë.
“Bartja e shamisë nuk e kategorizon dikën si terrorist dhe asnjë ligj nuk e ndalon bartjen e shamisë”, theksoi Shala.
Ai bëri krahasimin duke thënë se ka mësimdhënës që ekspozohen tek nxënësit dhe nuk i pengon askujt ky fakt.
Shala ia hedh fajin Bashkësisë Islame, sepse ajo duhet të tregojë se çka është e lejueshme dhe çka jo, ndërsa Ministria e Arsimit Shkencës dhe Teknologjisë duhet ta ketë një rregullore që e rregullon veshjen në të gjitha shkollat.
Faton Fetahu, nga Ministria e Arsimit Shkencës dhe Teknologjisë, tha se kjo çështje nuk është në përgjegjësi të Ministrisë dhe se ajo i takon Drejtorisë së Arsimit në Malishevë. /Gazeta Tribuna/
