Duken të vegjël, por përfitimi nga ta pritet të jetë i madh. Hairin atyre pritet t’ua shohin më tepër se 500 veta nga rajoni i Podujevës.
E në radhe të parë pronarët e “Jaha Foods” fabrikës që do të përpunojë këto perime, njofton Klan Kosova.
Ajo u përurua të enjten, si një investim kosovaro-gjerman.
Kjo fabrikë që u dha punë më tepër se 500 llapjanëve, e bëri të ndihet mirë edhe shefin e qeverisë.
Edhe ambasadorja gjermane në Kosovë, Angelika Viets, u shpreh e kënaqur që bashkëpunimi i bisnezeve mes dy shteteve po sjell rezultate, sidomos në bujqësi.
Përfaqësuesi gjerman i “Jaha Foods”, Klaus Lotz, tha se bashkë me partnerin e tij kosovar, kanë një mision që do ta qojnë deri në fund.
Ai tha që suksesi i kësaj fabrike është i garantuar, pasi punëtorët janë motori i saj, e jo pronarët.
Partneri kosovar i Lotz, Fadil Hoxha bëri një premtim të madh, me rastin e hapjes së fabrikës.
“Jaha Foods” llogaritet të jetë njëri ndër punëdhënësit më të mëdhenj në Podujevë, ndërsa pritet të shtojë edhe më stafin, pasi prodhimet e veta të gjejnë treg stabil në Evropë.
Sasitë e para të specave të konservuar, siç u tha, tashmë janë dërguar në Gjermani.
Kronikë nga Kosovë Gjoci.
