Filmi do të prezantohet me premierë ndërkombëtare të enjten, kurse një pjesë e ekipit të filmit tashmë ka arritur në Çeki, shkruan KultPlus.
Filmi “Home Sweet Home”, me skenar të Zymber Kelmendit e regji të Faton Bajraktarit do të prezantohet të enjten premierë ndërkombëtare në Festivalin Ndërkombëtar të Filmit Karlovy Vary. Ekipi i filmit tashmë ka arritur në Çeki, të cilët do të jenë të pranishëm me rastin e dhënies së filmit, shkruan KultPlus.
Arben Zharku, drejtori i Qendrës Kinematografike të Kosovës, Zymber Kelmendi, skenaristi i filmit, Faton Bajraktari, regjisori i filmit, Donat Qosja dhe Shkumbin Istrefi, aktorë në këtë film, përmbëjnë ekipin kosovar në këtë prezantim.
