Në Poklek të Ri të Komunës së Drenasit, të martën janë përkujtuar 17 martirët e këtij fshati. Në tubimin përkujtimor merrnin pjesë, përfaqësues të Komunës së Drenasit, ish-zëdhënësi i Ushtrisë Çlirimtare të Kosovës, Jakup Krasniqi, ish-ushtari i UÇK-së, Rexhep Selimi dhe familjar.
Aziz Morina, në emër të këshillit organizativ të këtij përvjetori ka lexuar historikun e ngjarjeve të Poklekut të Ri, ndërsa ish-zëdhënësi i UÇK-së, Jakup Krasniqi ka vlerësuar lart sakrificën e popullit të Kosovës për lirin e vendit. Në emër të Komunës së Drenasit ka folur Xhemë Binaku, ndërsa ne emër të familjarëve Brahim Qorri. Në këtë tubim përkujtimor kushtuar 17 martirëve të rënë të Poklekut të Ri është bërë edhe zbulimi i pllakës përkujtimore, ndërsa në fund është shfaqur edhe një program artistik.
