Shkolla fillore “Shaban Jashari” nga Skenderaj po numëron çdo ditë suksese të mëdha në gara komunale e në gara shtetërore duke bërë këtë shkollë një çerdhe të suskesit. Para pak ditësh kjo shkollë shënoj ditën e shkolles, ku njeherit u bënë 90 vite punë prej se është hapur kjo shkollë e njëkohësisht u shënua edhe 92 vjetori i lindjes së heroit Shaban Jasharit, të cilin emër e mban me kranari kjo shkollë, transmeton Drenica Press.
Drejtori i kësaj shkolle Rushit Jeta për portalin Drenica Press tha se është “tejet i kënaqur me sukseset e arritura të nxnësve në gara me çka ky është një fakt i cili deshmon për punën e mirë që po e bëjnë mësimdhënësit dhe nxënësit e kësaj shkolle”.
Ai tha se e kemi obligim të punojmë çdo herë e më shumë, sepse kjo shkollë ka fatin të mbaj emrin e njërit prej mësuesve më të dalluar në Drenicë e më gjerë atë të Shaban Jasharit dhe babait të heroit kombëtar Adem Jasharit”.
Kurse baca Rifat Jashari i cili tek po priste tek porta e shkollës të marr nipat e tij qe janë nxënës të kësaj shkolle të cilët mbajnë emrat e ripërtërirë të Ademit, Shabanit, Hamzës, Zahides, Adiles, Igballit, Bardhit, Zarifes, Adeas, Blerimit e Besimit, tregon më së miri për historinë e madhe që ngërthen në vete kjo shkollë, duke u bërë kështu një çerdhe që mban një rilindje të familjes Jashari./drenicapress/
