- Advertisement -
Një autobus me punëtorë kosovarë të pakualifikuar që ka udhëtuar nga Kosova për në Austri është shndërruar në një ‘bombë’ për shtetin austriak, meqë nga 34 persona sa ishin në autobus, gjysma kanë qenë të infektuar me COVID-19.
Kjo ka bërë që 18 punëtorët kosovarë ta shpërndajnë virusin në pesë distrikte të Austrisë së Epërme, në 7 kompani dhe pesë shkolla, shkruan Krone.at, transmeton Gazeta Express.
Autobusi me 34 punëtorët kishte mbërritur në Austri më 3 prill. Ndërkohë të gjithë punëtorët kishin vazhduar nëpër destinacionet e tyre, duke shpërndarë kështu virusin në mënyrë masive.
Katër prej tyre janë në qytetin Eferding, 3 në Grieskirschen, 7 në Ried, 3 në Linz dhe një në Linz-Land.
Gazeta shkruan se edhe gjatë vitit të fundit Austria ka pasur probleme me autobusët që kanë sjellur punëtorë nga Rumania dhe Kosova./GazetaExpress/
- Advertisement -
