Që nga vendosja e taksës 100% për produktet që vijnë nga Serbia dhe Bosnje dhe Hercegovina është rritur edhe interesimi i biznesmenëve për të kontrabanduar mallra.
Burimet e Indeksonline bëjnë të ditur se janë disa zyrtarë të lartë të Qeverisë së Kosovës të cilët po hetohen nga policia për kontrabandë me mallra nga Serbia.
Emrat e zyrtarëve janë të njohur për Indeksonline, mirëpo për shkaqe të hetimeve nuk do të publikohen.
Hetuesit kanë thënë se zyrtarët që ndodhen në llupen e tyre kanë pozita të larta në Qeveri.
Mallrat të cilat dyshohet se po kontrabandohen janë të ndryshme dhe me vlerë të lartë./Indeksonline/
