Së paku 48 persona kanë mbetur të vdekur nga një zjarr që shpërtheu në një qendër tregtare afër minierave të qymyrit në Siberi, në qytetin e Kemerovos.
Zyrtarët rusë besojnë se rreth 41 fëmijë janë në mesin e viktimave, kurse 16 persona janë shpallur të zhdukur.
Zjarri filloi në katin e sipërm të ndërtesës përderisa shumica e viktimave ishin në kinema. Menjëherë pas kësaj tragjedie, pamjet që qarkullojnë në rrjete sociale tregojnë njerëzit teksa mundoheshin të shpëtonin nga flakët.
660 pjesëtarë të emergjencës janë përfshirë në procesin e shpëtimit.
Shkaqet e zjarrit ende nuk dihen, por autoritetet kanë filluar hetimet.
Përveç kinemasë, qendra ka restorante, sauna, kopsht zoologjik dhe kënd për fëmijë.
