Në ora 18:00 kreu i Lidhjes Demokratike të Kosovës, Isa Mustafa e ka thirrur në njërin nga hotelet e Prishtinës një mbledhje urgjente të kryesisë, raporton Televizioni 7 nga vendi i ngjarjes.
Kjo pas vendimit të kryeministrit të Kosovës, Albin Kurtit për shkarkimin e Ministrit të Punëve të Brendshme, Agim Veliut.
Fillimisht, pas lajmit për shkarkim, Mustafa e ka mbajtur një mbledhje në seli të partisë, me tashmë ish-ministrin Agim Veliun dhe zëvendëskryeministrin Avdullah Hoti.
LDK i ka dhënë ultimatum Kurtit deri në fund të javës derisa kanë kërkuar edhe heqjen e taksës. Gjithashtu, kanë paralajmëruar daljen nga koalicioni.
Sot do të vendoset se cili është qëndrimi i LDK’së karshi vendimit të Kurtit./GazetaExpress/
- Advertisement -
