Granit Xhaka është gati të rikthehet në fushë pas periudhës së mungesës për shkak të lëndimit. Lajmin e ka konfirmuar trajneri Regis Le Bris, i cili bëri të ditur se mesfushori do të jetë në dispozicion për përballjen e radhës ndaj Fulhamit.
“Graniti është stërvitur pothuajse plotësisht gjatë gjithë javës, prandaj është i gatshëm për t’u përfshirë në skuadër”, deklaroi Le Bris.
Mesfushori kosovar kishte mbetur jashtë fushave për shkak të një problemi në kyçin e këmbës, lëndim që e pësoi në muajin janar në ndeshjen kundër Crystal Palace.
Rikthimi i tij konsiderohet një lajm i mirë për ekipin, që fiton eksperiencë dhe stabilitet në repartin e mesfushës për ndeshjet vendimtare që e presin.
