Lëvizja Vetëvendosje me anë të një postimi ka kërkuar para nga qytetarët për fushatën zgjedhore.
VV me anë të një postimi tha se Lëvizja ka nevojë për paratë e qytetarëve, transmeton lajmi.net.
“Lëvizja, si çdo herë, ka nevojë për ndihmën tuaj. Për të mbështetur aktivitetet e vullnetarëve, organizimin e tubimeve dhe mbrojtjen e votës, secili donacion sado i vogël ndihmon jashtëzakonisht shumë.”, u tha ndër të tjera në postim.
Tutje, VV tha se donacioni mund të bëhet me kartelë ose me anë të bankës.
Postimi i plotë:
Të dashur mbështetës, miq e aktivistë,
Lëvizja, si çdo herë, ka nevojë për ndihmën tuaj. Për të mbështetur aktivitetet e vullnetarëve, organizimin e tubimeve dhe mbrojtjen e votës, secili donacion sado i vogël ndihmon jashtëzakonisht shumë.
Rregullat e dhurimit mund t’i lexoni në faqen tonë zyrtare. Ndërsa, brenda pak minutash, mund të kontribuoni lehtësisht me kartelë bankare ose përmes bankës.
Faleminderit për mbështetjen, besimin dhe angazhimin tuaj të vazhdueshëm!
