Mediat franceze raportuan se të shtunën në krahinën e Juras në Francë u gjet i vdekur kosovari me inicialet A.K, 33-vjeç. Trupi i pajetë u gjet në banesën e të ndjerit dhe u raportua nga fqinjët në polici. Rastin e ka konfirmuar zyra për media nga Ministria e Punëve të Jashtme.
Nga kjo zyrë kanë thënë se autoritetet policore të Kosovës janë në koordinim me policinë franceze dhe rasti është nën hetime, raporton Express.
Më tej, sipas informatave që MPJ ka siguruar thuhet se e dyshuara kryesore për vrasjen e 33-vjeçarit është gruaja e tij. Mjeti që është përdorur për ekzekutimin e tij thuhet të jetë një sëpatë. E njëjta dyshohet se i ka marrë dy fëmijët e tyre dhe është nisur për Kosovë.
Çifti ka prejardhje nga Prishtina. Nga ajo që raportuan mediat franceze thuhet se ata kanë qenë agresiv.
