Presidenti i Aleancës Kosova e Re, Behgjet Pacolli, sapo ka votuar në shkollën “Shkëndija” në Hajvali.
Pas votimit, Pacolli bëri thirrje të votohet për një qeveri që do ta dojë Kosovën dhe që do punojë për popullin e vet.
“Edhe një ditë e rëndësishme për Kosovën. Uroj për një qeveri që e don Kosovën dhe popullin e saj, e sidomos të rinjtë. Sot, do të doja që zgjedhjet të shkojnë sa më mirë, shpresoj sepse vetëdija është në një nivel shumë më të lartë,” është shprehur Pacolli, raporton arbresh.info.
Qytetarët e Kosovës po shfrytëzojnë sot të drejtën për të zgjedhur përfaqësuesit e Legjislativit dhe Ekzekutivit.
Lista përfundimtare e votuesve për zgjedhjet e parakohshme për Kuvendin e Republikës së Kosovës përmban 1,937,869 emra të votuesve, me dallim prej 111,733 votues më shumë, në krahasim me Zgjedhjet Lokale të datës 22 tetor të vitit 2017, shkruan arbresh.info.
Numri i Qendrave të Votimit (QV) është 895. Katër 4 qendra të votimit më pak se në zgjedhjet lokale, të datës 22 tetor të vitit 2017, dhe numri i vendvotimeve është 2 mijë e 547, pra janë 42 vendvotime më shumë se në zgjedhjet lokale të datës 22 tetor.
Për të votuar më 6 tetor votuesi duhet ta ketë me vete, për identifikim, ndonjërin nga këto 4 dokumente të Republikës së Kosovës:
- Letërnjoftim i vlefshëm;
- Pasaportë e vlefshme;
- Dokument i vlefshëm i udhëtimit, dhe
- Leje e vozitjes e vlefshme.
Ky vendim vlen për çdo anëtar të këshillit të vendvotimit dhe për çdo Komision Komunal të Zgjedhjeve në të gjitha komunat e Republikës së Kosovës./arbresh.info/
