Pas dorëheqjes së parevokueshme të Bedri Hamzës nga pozita e kryetarit të Partisë Demokratike të Kosovës (PDK), organet drejtuese të kësaj partie kanë caktuar Vlora Çitakun si ushtruese të detyrës së kryetares.
Lajmi është bërë i ditur përmes një njoftimi të Zyrës për Informim të PDK-së, ku thuhet se gjatë kësaj periudhe do të organizohen dhe mbahen zgjedhjet e brendshme të partisë në të gjitha nivelet.
Çitaku do ta ushtrojë këtë detyrë deri në përfundimin e procesit të brendshëm zgjedhor, përmes të cilit pritet të përcaktohet udhëheqja e re e partisë.
Kujtojmë se Bedri Hamza ka njoftuar sot Kryesinë e PDK-së për dorëheqjen e tij të parevokueshme nga drejtimi i partisë.
Njoftimi i plotë:
Pas dorëheqjes së parevokueshme të z. Bedri Hamza nga pozita e kryetarit të PDK-së, organet drejtuese të partisë kanë caktuar znj. Vlora Çitaku si ushtruese të detyrës së kryetares. Gjatë kësaj periudhe do të organizohen dhe mbahen zgjedhjet e brendshme të partisë në të gjitha nivelet./lajmi.net/
