Nga koalicioni VLEN kanë parashtruar disa pyetje drejt kryetarit të komunës së Likovës, Erkan Arifit. Nga VLEN pyesin nëse Arifi po hetohet për keqpërdorime dhe pasurimi në kurriz të banorëve të Likovës.
“Në Likovë ka shumë punë për Policinë dhe Prokurorinë dhe fatmirësisht shteti i së drejtës ka filluar të funksionojë. VLEN pyet publikisht Erkan Arifin: A është futur Policia Financiare në Komunën e Likovës? A janë marrë për shqyrtim dokumentacionet e shumë tenderëve të komunës? A po hetohet Erkan Arifi për keqpërdorime të rënda në Likovë? Në vend se të dalë e të mashtrojë publikisht me patetizma populistë, Erkan Arifi duhet të sqarojë se si dhe për çfarë përfundoi si i dyshuar i Policisë Financiare? A ia vlen që fëmijët e Likovës të helmohen me arsen vetëm e vetëm që Erkan Arifi të ndërtojë shtëpi të re?”, thonë nga VLEN.
