Kapiteni i Liverpool-it dha mendimin e tij në Wembley.
Kapiteni i Liverpool-it, Virgil van Dijk, ka bërë një kërkesë të madhe për transferim pas humbjes së skuadrës së tij në Community Shield ndaj Crystal Palace të dielën.
Liverpool pësoi humbjen e dytë radhazi në Wembley nga Crystal Palace.
“The Eagles” fituan 3-2 në penallti pas një ndeshjeje që përfundoi 2-2 në 90 minutat e rregullta. Liverpool nisi fort me golin e transferimit të ri, Hugo Ekitike, vetëm në minutën e katërt.
Por Palace barazoi me një penallti të realizuar nga Jean-Philippe Mateta në minutën e 17, pas një faulli të Van Dijk mbi Ismaila Sarr.
Skuadra e Arne Slot kaloi sërish në avantazh vetëm katër minuta më pas, falë një goli me fat nga Jeremie Frimpong. Megjithatë, “The Eagles” barazuan sërish në minutën e 77 me golin e Sarr, duke çuar ndeshjen në penallti.
Mohamed Salah, Harvey Elliott dhe Alexis Mac Allister nuk shënuan në penallti, ndërsa Justin Devenny realizoi penaltinë vendimtare për Palace, duke sjellë gëzim për tifozët e “The Eagles”.
Pas ndeshjes, disa tifozë të Liverpool-it u shprehën se skuadra tani mungonte në opsionet sulmuese nga stoli pas largimeve të Darwin Nunez dhe Luis Diaz.
Ndërkohë, Van Dijk foli për talkSPORT me Alex Crook pas humbjes në Wembley.
“E urrej të humbas… dhe dy ndeshjet e mia të fundit në Wembley nuk kanë qenë të mira,” tha Van Dijk.
“Pas largimeve të Darwin dhe Lucho, ne me siguri na duhet një sulmues i ri këtë verë.”
Sigurisht, ka një lojtar për të cilin Liverpool është dukshëm i interesuar: sulmuesi i Newcastle, Alexander Isak.
Isak, 25 vjeç, ka qenë objekt interesimi të Liverpool gjatë gjithë merkatos verore, me një ofertë prej më shumë se 110 milionë paund plus bonuse që u refuzua nga Newcastle javën e kaluar.
Megjithatë, Isak u kthye në stërvitje me Newcastle të hënën, por trajneri Eddie Howe e urdhëroi të qëndrojë larg stërvitjes së ekipit të parë.
Trajneri i Newcastle komentoi situatën pas humbjes me Atletico Madrid në një miqësore:
“Mendoj se gjithçka është në lojë. Kam thënë shumë herë që ai është i kontraktuar me ne. Është lojtar i yni. Klubi do të marrë vendimin për të ardhmen e tij.
“Nuk e di se çfarë do të ndodhë. Sigurisht kam një rezultat të preferuar. Dua një skuadër sa më të fortë dhe më të mirë, por dua edhe lojtarë që duan të luajnë për këtë klub.”
Newcastle ka bërë të ditur se Isak nuk është për shitje këtë verë. /GazetaExpress/
