Vdekja e Ajnishahe Halimit e ka prekur thellë edhe kryetarin e PDK-së, Kadri Veselin.
Ai në një postim në Facebook, ka shkruar se është prekur thellë nga vdekja e Ajnishahes dhe i ka shprehur ngushëllime familjes së të ndjerës.
”I prekur thellësisht nga vdekja e aktivistes së dalluar të Partisë Demokratike të Kosovës, Ajnishahe Halimi. Me vullnet të madh për të jetuar, me qëndrueshmëri të madhe, ajo bëri një betejë shumë të gjatë me kancerin. Ishte një grua e fortë, që shërbeu si frymëzim për të gjithë ata që e njihnin. Ngushëllime familjes Halimi, aktivistëve të PDK-së dhe të gjithë miqve të saj. Prehu në paqe, Ajnishahe!” – tha Veseli.
Varrimi i të së ndjerës do të bëhet sot, në orën 17:00, në fshatin Gurelez (Kozhicë)./DrenicaPress
