Kryetari i Kuvendit të Kosovës, Kadri Veseli, pas rekomandimit pozitiv të Komisionit Evropian për vizat për Kosovën, ka uruar të gjithë qytetarët.
Në një postim në profilin e tij zyrtar në rrjetin social “Facebook”, Veseli ka shkruar se qytetarët e meritojnë të lëvizin lirshëm.
Postimi i plotë i Veselit pa ndërhyrje:
Lajm i mrekullueshëm për Kosovën. Komisioni Europian rekomandon liberalizimin e vizave për qytetarët tanë.
E kemi pritur këtë vlerësim dhe e kemi merituar këtë vendim. Kemi bërë përparim të madh, një punë të jashtëzakonshme, por angazhimi ynë në rrugën europiane duhet të vazhdojë edhe më tutje.
Tani, i takon BE-së për t’ua lejuar qytetarëve kosovarë lëvizjen e lirë në Zonën Schengen.
Shpresojmë që edhe kjo të ndodhë sa më shpejtë, sepse e meritojnë qytetarët tanë. Urime!
