Komisionerin e BE-për për Migrim, Çështje të Brendshme dhe Shtetësi, Dimitris Avramopoulos gjatë një konference të përbashkët me presidentin e Kosovës, Hashim Thaçi, ka theksuar se nevojiten edhe 3 apo 4 muaj deri kur qytetarët e Kosovës të lëvizin plotësisht lirshëm pa viza raporton.
“Jemi shumë afër që të arrijmë këtë. Lëvizja tani varet nga Parlamenti Evropian dhe ata janë ftuar që të miratojnë largimin e vizave për qytetarët e Kosovës. Kjo është edhe në duart e institucioneve të Kosovës gjithashtu. Sot nga këtu po i thërras edhe Këshillit Evropian dhe Parlamentit që të lëvizin në mënyrë sa më të shpejt dhe të i ofrojnë lëvizje të lirë qytetarëve të Kosovës”, tha ai, raporton “Zeri.info”.
Ndërsa i pyetur për një datë konkrete ai tha se kjo do të arrihet brenda 3-4 muajve të ardhshëm.
“Jemi shumë afër, këto 100 metra të mbetura do të arrihen brenda 3-4 muajve të ardhshëm”, theksoi ai. /ZËRI/
