Drejtoria Rajonale e Policisë së Prizrenit ka pranuar informatën se rreth orës 20:00 nga Urgjenca e Mjekësisë Familjare në Suharekë se një qytetar është rrokullisur me traktor dhe kishte rënë në lum tek vendi i quajtur “Ara e Sylë Bajramit” në fshatin Vraniq.
Sipas PK-së, viktima R. K. 60 vjeçar thuhet të këtë ndërruar jetë në rrugë për në urgjencë, transmeton ‘Indeksonline’.
Në vendin e ngjarjes përpos strukturave policore për hetimin e rastit i pranishëm ishte edhe prokurori i shtetit. Trupi i pajetë dërgohet për autopsi./Indeksonline/
- Advertisement -
