Po vazhdon puna me intensitet të shtuar në rrugën e re që lidh fshatrat e Komunës së Drenasit me ato të Skenderajt, shkruan Drenica Press.
Bëhet fjalë për rrugën nga fshati Likoc i Ri i komunës së Skenderaj apo siç njihet ndryshe në gjuhën e popullit ‘zastoja e Bezhenikut’ me fshatin Abri e Epërme të Drenasit. Kjo rrugë do të krijojë mundësi për të lidhur Skenderajn dhe Drenasin, si rrugë alternative.
Drenica Press mëson se firma e cila po merret me rregullimin e kësaj rrugë është NN “Shkëmbi”. Kjo rrugë fillimisht do të shtrohet me zhavor, ndërsa më vonë do të shtrohet edhe asfalt.
Kjo rrugë është e një rëndësie të veçantë, pasi në atë pjesë ka qenë koridor i rëndësishëm dhe baza e njësisë speciale të UCK’së. /DRENICA PRESS/
- Advertisement -
