Si rezultat i një operacioni nga Shërbimi i Sigurisë i Ukrainës i kryer në tokën ruse, mijëra kilometra pas vijave të frontit, të paktën 13 aeroplanë luftarakë rusë u shkatërruan dhe shumë të tjerë u dëmtuan.
Kjo u raportua në Telegram nga kreu i Qendrës për Kundërshtimin e Dezinformimit në Këshillin Kombëtar të Sigurisë dhe Mbrojtjes së Ukrainës, Andriy Kovalenko, sipas Ukrinform, përcjell Telegrafi.
“Të paktën 13 aeroplanë luftarakë rusë u shkatërruan dhe edhe më shumë u dëmtuan”, vuri në dukje Kovalenko.
Footage of a Ukrainian FPV strike drone rising from a cargo truck and heading towards Russia's Belaya Airbase.
The drone launch and airbase hit were over 4000 km (2500 mi) from Ukraine. pic.twitter.com/XU7bCzV5QJ
— OSINTtechnical (@Osinttechnical) June 1, 2025
Kujtojmë se më 1 qershor, Shërbimi i Sigurisë i Ukrainës kreu një operacion unik special të koduar “Rrjeti i Merimangës”, duke sulmuar katër aeroporte ruse që strehonin bombardues strategjikë, duke përdorur tufa dronësh të lëshuar nga kamionë të parkuar afër vendeve të sulmit.
Sipas një burimi në agjencinë përgjegjëse për operacionin, u goditën më shumë se 40 aeroplanë, duke përfshirë modele të tilla si A-50, Tu-95 dhe Tu-22 M3.
Besohet se dëmi i shkaktuar forcës ajrore ruse vlerësohet në gati 7 miliardë dollarë.
Ndryshe, presidenti ukrainas Volodymyr Zelensky kishte thënë se “Operacioni Rrjeti i Merimangës” kishte dhënë “një rezultat absolutisht të shkëlqyer” i cili u “arrit vetëm nga Ukraina”.
Presidenti ukrainas gjithashtu ndau më shumë detaje se si u krye operacioni, duke shpjeguar se ishin përdorur 117 dronë, secili me “pilotin” e vet.
🇺🇦The special operation "Web", as a result of which the SSU hit 41 Russian strategic aircraft, was prepared for more than a year and a half. pic.twitter.com/1HVBQaf8vX
— ZMiST (@ZMiST_Ua) June 1, 2025
“Gjëja më interesante – dhe ne tashmë mund ta themi këtë publikisht – është se ‘zyra’ e operacionit tonë në territorin rus ndodhej pikërisht pranë FSB-së (Shërbimit Federal të Sigurisë) të Rusisë, në një nga rajonet e tyre”, tha ai në një postim në Telegram.
Ai falënderoi kreun e Shërbimit të Sigurisë së Ukrainës, gjeneralin Vasyl Malyuk, dhe i kërkoi atij të zbulonte detajet dhe rezultatet e operacionit për publikun.
‼️The special operation – codenamed “Web” – targeted four key Russian airbases: Belaya, Diaghilevo, Olenya and Ivanovo. The strikes damaged dozens of strategic aircraft used in bombing raids on Ukrain, — media. pic.twitter.com/HjgpmN3L37
— ZMiST (@ZMiST_Ua) June 1, 2025
“Sigurisht, jo gjithçka mund të zbulohet në këtë moment, por këto janë veprime ukrainase që padyshim do të jenë në librat e historisë”, shtoi ai.
“Ukraina po mbron veten, dhe me të drejtë – ne po bëjmë gjithçka që Rusia të ndiejë nevojën për t’i dhënë fund kësaj lufte. Rusia e filloi këtë luftë, Rusia duhet ta përfundojë atë”, shkroi Zelensky. /Telegrafi/
