Një re e madhe tymi është parë sot duke dalë nga një oxhak i termocentralit në Obiliq, duke ngritur shqetësime te banorët për cilësinë e ajrit.
Një banor i zonës i cili ka dërguar fotografinë Gazetës Express është shprehur i shqetësuar për ndotjen dhe ndikimin në shëndetin e banorëve. Ai ka kërkuar nga institucionet përgjegjëse që të monitorojnë situatën dhe të marrin masa për të parandaluar ndotjen e ajrit.
KEK sot në njoftimin për rikthimin në funksion të njësisë A4 tha se gjatë fazës së startimit, për arsye teknologjike, tymi mund të jetë më i theksuar për disa orë./Express/
