27-vjeçari Musto Kapaj tentoi t’i djegë me benzinë klinikën një gjinekologu në Vlorë, pasi motra e tij kishte ndërruar jetë pas lindjes së fëmijës nga ky gjinekolog.
Mëngjesin e së dielës, policia ka arrestuar 27-vjeçarin, ndërkohë që vetë gjinekologu 64-vjeçar Bejkush Shehaj ka rrëfyer për Report TV, arysen e konfliktit. Ai tregoi se është hera e tretë që kërcënohet.
“Më parë i njëjti person ka tentuar të më qëllojë me thikë, ndërkohë që ka tentuar edhe herë tjetër me zjarr.
Motra e tij kishte lindjen e tretë me mua, herët e tjera çdo gjë kishte qenë normale, ndërsa herën e tretë pati komplikacione pas lindjes dhe ndërroi jetë” – u shpreh Shehaj.
Për këtë arsye, sipas mjekut, personi nga Gjormi ka tentuar që t’i bëjë keq disa herë.
- Advertisement -
