Një numër i madh fansash të Ariana Grande-s në Mbretërinë e Bashkuar kanë mbetur pa bileta për turneun e saj të shumëpritur Eternal Sunshine, pasi ato u shitën në më pak se 15 minuta.
Shitjet filluan sot në orën 10:00 të mëngjesit dhe, deri në orën 10:14 të mëngjesit, nuk kishte vende të lira në Ticketmaster, pavarësisht radhëve prej qindra mijëra njerëzish, shkruan LADbible, transmeton Indeksonline.
Ky nxitim nuk është për t’u habitur, duke pasur parasysh se këngëtarja amerikane po nis turneun e saj të parë në më shumë se gjashtë vjet.
Tashmë, shitjet paraprake kanë lënë të kuptohet se çfarë do të ndodhë, me më shumë se dy milionë njerëz që presin në një radhë virtuale. Për shkak të interesit të madh, Grande shtoi pesë data shtesë në O2 Arena të Londrës në fillim të kësaj jave./Indeksonline/
