Presidenti Thaçi në konferencën për media tha se vendimi i qeverisë për kufizmin e lëvizjes së qytetarëve është antikushtetuese.
Ai ka thënë se askush s’duhet t’i zbatojë këto masa, sepse bën vepër penale.
“Deri më sot kryeministri dhe Qeveria kanë thënë se gjendja është nën kontroll, prandaj e kanë kundërshtuar shpalljen e gjendjes së jashtëzakonshme.
Vendimi i Qeverisë sot është krejtësisht antikushtetues, qyetetarët s’janë të detyruar t’i respektojnë ato dhe askush s’mund t’i dënojë për këtë.
As Policia e Kosovës dhe as organete sigurisë s’duhet ta zbatojnë vendimin antikushtetues sepse bëjnë vepër penale.
Vendimi i qeverisë është pa efekt juridik dhe i pazbatueshëm në tërë territorin”, tha Thaçi, përcjellë Indeksonline.
Ai tutje shtoi se i njëjti kryeministër që refuzoi shpalljen e gjendjes së jashtëzakonshme tani merr vendime antikushtetuese që privojnë liritë themelore të qytetarëve.
“Tani merr vendime antikushtetuese që privojnë qytetarët nga liritë themelore, këtë ai po e bën jo për të mbrojtur qytetarët, por veten.
Nesër do t’i kërkoj Gjykatës Kushtetuese pezullimin dhe anulimin e këtij vendimi”, përfundoi presidenti./Indeksonline
