Presidenti i Kosovës, Hashim Thaçi përmendjen e emrit të kryeparlamentarit Veseli në videot e të dyshuarve për fajde e ka quajtur mashtrim dhe se organet e drejtësisë do ta vërtetojnë pafajësinë e tij.
Sipas kreut të shtetit Veseli është viktime e këtij maskarallëku.
“Hetuesia duhet ta kryej punën e vet. Jam i tmerruar me mashtrime dhe përgjime dhe keqpërdorimet e emrave publikë tash e një kohë të gjatë se fundmi edhe me kryetarin e Kuvendit Kadri Veseli”.
“…ai shquhet edhe për pastërtinë e tij dhe për moralin dhe etikën e tij të punës dhe hetuesia duhet ta kryej punën e vet sepse po shihet që ai veç është një viktimë e maskarallëkut”.
Emri i kryeparlamentarit Veseli është përmendur në “Aferën e fajdeve”, ku dyshohet se ai kishte marrë 200 mijë euro.
