Krerë të shtetit po qëndrojnë në një vizitë zyrtare në Shtetet e Bashkuara të Amerikës.
Është kryeministri i vendit, Ramush Haradinaj ai i cili pak më parë ka shpërndarë një fotografi krahë presidentit Hashim Thaçi dhe zv.kryeministrit dhe ministrit të Jashtëm, Behgjet Pacolli.
Në fokus të agjendës është fuqizimi ndërkombëtar i Kosovës.
Në New York do të zhvillohen takime bilaterale me homolog dhe delegacione ndërkombëtare që marrin pjesë në Asamblenë e Përgjithshme të Kombeve të Bashkuara, me fokus prezantimi i të arriturave të Kosovës, anëtarësimi i vendit në organizatat ndërkombëtare, tërheqja e investimeve direkte në vend dhe tema të tjera me interes për Kosovën.
Krahas kësaj, për ta forcuar partneritetin me ShBA-të do të zhvilloj takime bilaterale me senatorë, kongresist, dhe personalitete me influencë në Washington.
Rruga euro-atlantike e vendit është e pakthyeshme!
