Ters në “Tomorrowland”/ Pas djegies së skenës kryesore, vdes një grua në mes të festivalit
dp

Lexo edhe‘‘E rëndojnë furnizimin’’, KRU ‘‘Prishtina’’ me aksione kundër lidhjeve ilegale të ujit: Raportoni rastet e dyshimta

Një grua 35-vjeçare ka vdekur në “Tomorrowland”, vetëm disa ditë pasi skena kryesore e festivalit belg u shkatërrua nga një zjarr.
Gruaja me prejardhje kanadeze u sëmur në ambientet e festivalit të premten në mbrëmje, dhe pavarësisht se shërbimet e urgjencës arritën ta ringjallnin, ajo më vonë ndërroi jetë në spital.
Në një deklaratë, zyra e prokurorit publik të Antwerpit tha se dyshimet fillestare çojnë në një vdekje të lidhur me konsumimin e drogës.
“Zyra e prokurorit nisi menjëherë një hetim. Gjetjet fillestare tregojnë prova të forta për një vdekje të lidhur me drogën. Një autopsi dhe një ekzaminim i plotë toksikologjik do të japin përgjigje përfundimtare” deklaroi prokuroria.

Lexo edhe‘‘E rëndojnë furnizimin’’, KRU ‘‘Prishtina’’ me aksione kundër lidhjeve ilegale të ujit: Raportoni rastet e dyshimta
“Tomorrowland” është një prej festivaleve më të mëdha në botë dhe çdo vit mbledh qindra mijëra fansa të muzikës elektronike.
Këtë vit, duket se festivalin po e shoqërojnë ngjarje ters, sidomos pas djegies së skenës kryesore.