Tetë persona janë vrarë në një incident me të shtëna me armë gjatë natës së mbrëmshme në Mississippi të Shteteve të Bashkuara, njofton policia.
Incidenti me të shtëna ndodhi në tri lokacione të ndryshme, në Bogue Chitto dhe Brookhaven në Lincoln County, transmeton Express.
Një i dyshuar mashkull, i identifikuar nga mediat lokale si Cory Godbolt, është arrestuar sot në mëngjes dhe ndodhet në paraburgim.
Autoritetet kanë thënë se është tepër herët për t’i konsideruar motivet e mundshme të vrasjeve.
I dyshuari, duke folur për gazetën lokale “Clarion-Ledger” pasi që policia e kishte arrestuar, ka thënë: “Më vjen keq. Nuk jam në gjendje të jetoj pas asaj që kam bërë.”/Express/
- Advertisement -
