Ai ka udhëtuar drejt Anglisë për ndeshjen hapëse të Barçës në Champions League.
Një mesfushor ofensiv i vlerësuar lart, i cili cilësohet si talenti më premtues i akademisë së Barcelonës që nga Lamine Yamal, ka udhëtuar me skuadrën për ndeshjen e Champions League ndaj Newcastle.
Që prej ardhjes në klub nga ish-drejtori i akademisë, Albert Puig, në vitin 2018, adoleshenti Ebrima Tunkara është shndërruar në një nga yjet më të ndritshëm të La Masia-s.
Puig, duke folur për SPORT, e krahasoi me Yamal:
“Lamine të fitonte ndeshjet vetëm, sepse krijonte gjithçka vetë. Ishte i prekur nga shkopi magjik i gjeniut. Ebrima është ndryshe, por prezenca e tij e bënte lojën më të lehtë për të tjerët. Ai gjithmonë shfaqej në ndeshjet e rëndësishme.”
Ai shtoi:
“Me Ebriman si trajner ishe i qetë. Po ju jap një fakt: me të, në 30 ndeshje në kategorinë benjamín dhe 30 te infantilët, nuk humbëm asnjë ndeshje.”
Ebrima Tunkara (2010) vs Zaragoza
pic.twitter.com/OGbUN0CFlO— 𝗩𝗜𝗦𝗜𝗢𝗡 𝗝𝗨𝗩𝗘𝗡𝗜𝗟 🇫🇷 (@JuvenilVision_) September 14, 2025
Gjërat duken premtuese për Tunkara. Pas debutimit me Juvenil A, 15-vjeçari është përfshirë në listën e Barcelonës për UEFA Youth League ndaj Newcastle, ndeshje që do të luhet të enjten në kompleksin stërvitor të anglezëve.
Është praktikë e zakonshme që skuadra e parë dhe ajo U-19 e Barcelonës të udhëtojnë së bashku, dhe kësaj here Tunkara është lojtari më i ri mes 43 futbollistëve të udhëtimit në Angli.
Talenti i tij ka tërhequr edhe vëmendjen e trajnerit Hansi Flick, i cili e po e ndjek nga afër zhvillimin e tij.
Sipas gazetarit Javi Bisús (Carpetasfcb):
“Brenda klubit, njerëzit tashmë flasin për të si talentin më të madh që nga shpërthimi i Andres Iniestas. Trajnerët e tij bien dakord se ka një pjekuri taktike të rrallë për moshën që ka. Për më tepër, fiziku i tij mbi mesataren i jep mundësinë të përballet me kundërshtarë më të rritur dhe më me përvojë.”
Ai shtoi:
“Ka një këmbë të majtë të privilegjuar, e aftë të krijojë raste me pasime depërtuese, driblime efektive dhe goditje të fuqishme drejt portës. E gjitha kjo e bën një nga talentet më emocionues që Barça ka pasur prej vitesh.” /GazetaExpress/
