Kur Esteban Santiago ishte në zyrën e FBI-së në Alaska, kishte thënë se mendja e tij po kontrollohet nga shërbimi inteligjent.
Gjatë kësaj vizite, ai kishte lënë dy gjëra në veturë: Revolen dhe foshnjën e sapolindur, shkruan CNN, transmeton lajmi.net
Kjo mund të ketë qenë arsye e mjaftueshme e autoriteteve që Stantiago të mos lejohej të lëvizte me revole dhe të merrej në konsiderim si person me nevojë për trajtim mjekësor në shëndetin mental.
Autoritetet kanë thënë se me të njëjtën revole ai shtiu në Aeroportin e Floridës ku la të vdekur pesë persona dhe 6 të tjerë të plagosur.
Santiago, veteran i luftës në Irak, tashmë është ngarkuar me akuza nga prokurorët si i dyshuari kryesor.
Autoritetet ende nuk i kanë të qarta qëllimet e autorit për këtë sulm.
