Një mosmarrëveshje në Skenderaj ka rezultuar me sulm të dy personave ndaj një viktime. Organet e rendit kanë bërë të ditur se sulmuesit kanë poseduar edhe armë, të cilët e kanë goditur viktimën me kondak në kokë, me ç’rast i ka shkrepur arma,- transmeton Drenia Press.
Ngjarja është regjisturar në fshatin Vajnikë të Skenderajt.
Në njoftimin e Policisë lidhur me këtë rast thuhet:
Viktima mashkull K/Shqiptar, ka raportuar se pas një mosmarrëveshje, dy të dyshuar meshkuj K/Shqiptar e kanë sulmuar fizikisht dhe të njëjtit kanë poseduar edhe armë.
Njeri prej të dyshuarve e ka goditur me kondak të armës viktimën në kokë, me ç’rast i ka shkrepur arma. Si pasojë viktima ka pësuar lëndim trupor dhe pas tretmanit mjekësor në QKUK, i njëjti është liruar. Në vend të ngjarjes janë gjetur dhe konfiskuar dy gëzhoja. Të dyshuarit gjenden në arrati dhe njësit policore janë duke hetuar rastin. /Drenica Press/
